على طاري محبتنا .. على طاري لياليـــنا ..
تجي مثلي على بالك .. سوالف حبــــــــــنا للحين !!
صحيح إن الزمن ساعات بهمومه يلهيــنا
ولكن حبنا بـــــــــاقي .. ولو مرت عليه سنــــــين
ليومك .. والله اتذكر وارددها أغانيـــــــنا
وبالتحديد ,, ذيك اللي بعدها يالــــــــغلا تبكـــــــين
وعدتيني .. أكملها !! أذا دار الزمن فيـنا
واذا درب الهوى قصر ,, محال انســاها لو تنسين
تقولي لي بعيد الشر ترى ابداً ماتعنيــــنا
محال أعيش من دونك .. سوى الحــــين أو بعدين
عليه الله من خلى في باله ,, مايخليـــنا
عليه أتحسب وأدعي ياروحي .. من سنة الفــــين
ماكانت عندنا فرحه كثر فرحة تلاقيـــــنا
براءت حبــــــــــنا كانت .. تميزنا عن الباقـــــــين
مانعرف كيف نتصالح متى نزعل تراضينا
في النفس الوقت .. ضحكتنا نعلى صوتها لي وين
كشفنا حبنا للناس وأولهم ,, أهاليــــــــنا
وياما كلت أنا علقه !! على كيفك من الصــــوبين
خطانا نجهر الفرحة نسمع من حواليــــنا
نبشر فيها خلق الله .. ونحسب كلـــــهم .. طيبين
تعودنا كذا نمشي ولا نحسب خطاويـــــنا
على النية نخليــها ,, ابد مانفتـــــكر بالشـــــــين
نقول الحظ لو نصبر عليه شوي .. يعطينا
ولابه فايده .. اصــــلاً أنا وياك .. منحوســــــين
طفوليه محبتنا .. مثل عدنان أو ليــــــــنا
أشوف الدنيا بس أنتي .. ولادري فيها أو تدرين
مافرقنا القدر الا .. هدم أحلى امانيـــــــنا
مافرقنا النصيب الا .. جبرنا نمشي بدربـــــــــين
سنين اقول انا كل يوم .. أحين الصدفه تطرينا
واقول الدنيا دواره .. واقول صغيره البحـــــرين
وأخيراً حانت اللحظة أنا وأنتي .. توافيـــــنا
بعد ماقلتي أخبارك .. أبي أسئل ؟؟ ترى تكفــــين
سوالفنا ,, محبتنا ,, أغانينا ,, لياليـــــنا
تجي مثلي على بالك .. سوالف حبنا .. للحـــين!!
للشـــاعر / محمد الشيخ..
.:: إعلانات الموقع ::. 
العرض العادي
