قال لها بعصبية بالله ما تقولين لى انتى شنهو موقعج من الاعراب بالبيت اذا الخادمة هى اللى تربى العيال وتلبسهم.
والسايق يوصل للمدارس ويجيب الطابخ هو اللى يطبخ ويشترى الأغراض من الجمعية وانا اكرف اجيب فلوس للبيت... قالت له ببرود انا بالبيت زوجتك... رد: وينى شنهو زوجتى... قالت: افهمها مثل ماتبى... تناجر معاها وصفق الباب وهو طالع من البيت... قادته الصدفة لشلة من الشباب كانت تنظره المهم قام يفضفض لهم مشاكله فعلموه الطريقة اللى تريحه... خذ جرب شم... قال لهم: لا اخاف ادمن انتو ماتقرون البلاوى اللى بالجرايد.
ضحكوا وقالوا له: افا واحد مثلك متعلم يصدق كلام جرايد هذا حنا نشم يوميا شوفنا فينا شي؟ جر بمرة وحدة وهالمرة ما راح تخليك تدمن ولكنه بعد هالشمة ادمن ايوم اللى ما يشم فيه ينعفس سحب رصيده البنكى شوى شوى وباع سيارته وصفى شركته علشان يشترى المخدر.
مشاكله زادت بالبيت مع حرمته اللى استغربت من مزاجه المتقلب يوم يضحك ويوم مبوز وعلشان لا تكشف سالفة ادمانه طردها من البيت هى وعيالها ما سألته ليش وشنهو السبب لمت اغراضها وطلعت بهدوء لبيت اهلها وهو علشان يشترى المخدر قام يتسلف وبدا يبيع اثاث البيت شوى شوى... وبيوم من الايام وهو قاعد يتألم ويتلوى بالبيت دخلت عليه ومن شافها قام يبجى وترجاها تجيب له المخدر ما ردت عليه قفلت البيبان وقطعت التلفون وربطته بالسرير لانه ضعيف... المهم بعد ما ربطته قالت له انا ما زلت على ذمتك مع انك طردتنى ولانى على ذمتك انا قررت اعالجك اليومم من ادمانك...
توسل بجى صرخ عليها سبها اهانها وهى صامدة وبعد جم يوم صحى وتخلص جسمه من اثار المخدر ردت صحته وضحكته واسرته وقالت له بعد مدة عرفت الحين شنهو موقعى من الاعرا بهالبيت... سكت مارد عليها لانه عرف معنى الكلمة بس للاسف ازواج كثيرة ما تعرف معناتها لانها ما تقدر بس شاطرة بامور الغلط.
.:: إعلانات الموقع ::. 
العرض العادي
