سَـلَـمُـلّـووووووو
تسيف أنتوا ؟
إن شاء الله بخيرن وعافيتن وصحتن << يسمع بالتنوين
على طاري التنوين مره من المرارير رحت لسوق حجاب تعرفونه اكيد >> ايه
المهم وانا داخلن سوق الذهب وادخل محل به سعودي شكله توووحفه بصراحة
ينكت وقاعد يذبّ على أخوياه ويضحكون وحركات
المهم دخلت أول مره بصراحة احس اني دلخ
دخلت فاتحن خشتي اضحك معهم
الا وواحد أحسّه مثل
فارس الحب ماعنده مجاملات يصقع عالبيبان والرفارف
قال خييييييير وش فيك تضحك !!!
حسيت وقتها اني أدلخ إنسان بالعالم
<<< ممكن سؤال ؟؟
>> تفضل . . .
<<< وش دخل سالفه السوق بالتنوين ؟!!!
>> مدري << انقفط في شرّ عماله خخخخخخخخخخخخخخخخ
الموووووهييييييييييييم
والله انكم واحشيني قدّ كذا << يأشر بيدينه على شكل دائره
^
^
سالفه اتمنى السحب عليها لأنه مالها أي علاقه بموضوعي << بينجلد
الموووووضووووووع برعاية
كنت قبل اسبوعين بجده اقابل اهلي هناك لأنهم بيروحون الرياض
زيارة لأختي ومنها يتطمنون عليها جايبة بنّوته ولا احلى
بغيت اقترح عليهم يسمونها ( روووز ) بس خفت تحل عليّ اللعنة
وكنت بقوللهم يسمونها ( دمعة امل ) بس خفت تطلع على اللي بالمنتدي وتكثر من شرب النبيذ
قررت اني ألمّ نفسي وأبلع لساني وأخليهم يسمونها بأنفسهم
والحمد لله سموها ريماس وارتحت
المووووهييييييم
طلعنا انا وهلي من جده
بسيارتين سيارتي وسيارة الداشر <<< هذا ابوي سميته داشر لسبب بتعرفونه بالسالفه
المهم طلعنا من جده على اذان المغرب
وبعد ماعدّينا نقطة تفتيش مكة صفطنا بأول محطه عبالنا تعبنا من السفر << دلوووخ
لا لا تصدقون بس عشان نصلي المغرب والعشاء جمعاً وقصراً
<<< ياحبه للجمع يحسّه وناسه ياليت يكون على طول << مو بصاحي (( استغفر الله ))
الموووهيييييييم
المهم العايلة الكريمة نزلوا جميع يصلون وقعدت عند السيارات
عبالي ابحرسها من الحراميه << بزر خخخخ
ترى مو عشان أدخن ولاشي << فضيحة ههههههههههه
المووووهيم
وانا قاعد ومصموخ ومروّق على الماخوذه << والا وجهازي يولّع بيدي
وأطالع الا وهو استلام بلوتوث من الـ "يازينك"
طبعا مسكين بس سكين << يعني أنا فطين بسم الله عليّ
سويت نفسي ماانتبهت للجهاز وقامت عيوني تحوم وتدور احد حولي << خابرن ماعنده أحد
الا وهذا السوبربان موديل2005 وبه بنات واشوفهم يطالعون فيني وكانهم ينتظرون مني شي
طبعا للمعلوميه كل وحده تقول انا << يعني فقعة وجه بصراحة ( لثم ) وحرنكتات وبياض حتى ان وحده لابسه برمودا تاخذ العقل <<< خبيييييييييييييث
تسألوني وش درّاني صح ؟
انا بقول لكم . . . لا لا لا هونت << يسمع بالتشويق
للمعلوميه نكّي بالبلوتوث هو >>>> (( شركة المواصلات ))<< خخخخخ
المهم وانا اطالع فيهم بنظرة اللي ربعة اتحبه ولاتختاره << خبركم حياوي للنخاع
والله انا واقرب لموتري طبعا جنب موترهم السوبربان الا واستلام بلوتوث من الـ "يازينك"
واطالع والا وحده تأشر بجهازها تقول استقبل
وانا اللي استقبل الا وتجيني الرساله على شكل ملاحظه مكتوب فيها :
(( ممكن الرقم )) << يؤيؤيؤ
طبعا من الربكه ماقدرت ارفع عيني وجلست اعيّط وأعيّط وأعيّط
الين جاء ابوي وقال وش فيك ياقلبي ؟؟<<< خمّ أبوه مصدق خخخخخخخ
قلت شف هذي تقول اعطيها الرقم الا وتجيني هذيك الكمخه على الوجه
والا وأنا دايخ مدري وين الله حاطّني
وقال لي رح صلّ الحين يالثور وارجع احتريك هنا
طبعا بصراحة كاسرين خاطري هالبنات أدري اني جذاب وحليوه ومدلع وحرنكتات
بس وش اسوي خلوني ارد وآخذ بثأر الشيون من العيال
اللي انواع التلحيط والمرمطه الين تاخذ البنت الرقم منه
<< على فكره عجبتني هالصورة الرمزيه
المهم اصحبت صبح مآآآعرف تكوينه * * * صبح من ندرة عصافيره تصيد أحراره
والله يالربع اني من زمان وانا أحس إني جذّاب ومزيون
بس وش اسوي ربي خلقني مش بيدي والله <<< قرّب يصيح
طبعا للمعلوميه أرسلت رقمي . . . . . . >>>>>>>>> (( انتهى الجزء الأول ))
.
.
.
.
فاصله منقوطة
(( كنت أبحط مايستفاد من الموضوع كعادتي الكريمة لكن راح اتركها فور انتهائي من الجزء الثاني ))
انتظروني في الجزء الثاني . . .
تقبلوا تحاياي الحاره المزيّنه بلون البرد والصحراء والمطر << رايح فيها من جد خخخخخخخخخ
برب
.:: إعلانات الموقع ::. 
