الاحبه هنا
قد تحتار ... وتحتار اكثر لما يكون
مصدر الحيرة
( من .. تحب )
تحاول .. وتحاول .. ولكن ... !!
لا اطيل اترككم مع التفاصيل
ابقوا معي
.
.
.
.
.
[poet font="Simplified Arabic,5,black,bold,normal" bkcolor="transparent" bkimage="backgrounds/17.gif" border="ridge,4,orange" type=2 line=200% align=center use=ex length=0 char="" num="0,black" filter=""]
حيرتني واحترت .. وشي نواياك = كل مل نسيتك جيت .. تعلن خضوعك
عجزت لفهم بالهوى .. كيف مبداك = طبعك غريب .. ونادر الناس نوعك
مرة .. تجيني قاطع احدود دنياك = تسبق معاذير ( البطا ) لي دموعك
في ( لهفة ٍ ) منها الوله .. جاوز اخطاك = وكن ( الغلا ) مستل سيفه .. يلوعك
ومرة احس ان الغلا .. من بقاياك = ما ضمته بين الحنايا.. ضلوعك
صار الغياب اليوم .. ابرز مزاياك = واول غيابك .. ما يكمّـل اسبوعك
قلي أمانة .. ريح البال وش جاك = لا تنطفي بالحب .. اخر شموعك
عطني عهودك بالوفاء .. هات يمناك = واللي بغيته ( بالمعاليق ) طوعك
رهنت شوقي .. بايع الناس لرضاك = وانهد حيلي .. من غرايب طبوعك
ابيك تبقى داخل ( العين ) ترعاك = لو طحت .. يصعب فالمحبة طلوعك
مليت صبري .. اشتكي منك وانهاك = يالله عسى ما صابني .. ما يروعك
هذي حروفي .. نزفها من سواياك = ترجمتها بحساس .. ياصل سموعك
اخاف يوم ٍ ما يجي فيه .. طرياك = وان جيت ترجع .. ما يسرّك .. رجوعك
[/poet]
محمد العسكر
.:: إعلانات الموقع ::. 
العرض العادي
