تحية طيبه للجميع


سبق وفي موضوع سابق ( كيف تعمل ) وعدتكم بأني راح انزل فكره عمل صندوق جميل للهدايا تعالو نشوف الفكره .



الأدوات :
نحتاج لفلين ( أي لون حسب الذوق ) - نيون شفاف - مصباح سهاري - تظليل زجاج ( كل ما كان معتم يكون افضل )



العمل :
1- أول حاجه راح نعملها هي نعمل صندوق بأي مقاسات حسب الحاجه ولكن الصندوق يكون كما في الشكل التالي :



لاحظو معايا الصندوق مقسوم قسمين حاولو القسمين دي تكون بسنبة تلتين إلى تلت ( 1-3 )

2 - بعد عمل الصندوق حناخد المصباح السهاري ونحطو في الجزء الكبير من الصندوق ونعمل فتحه للسلك عشان يخرج خارج الصندوق زي ماهو موجود في الصوره رقم 2


3- بعد كدا حناخد النيون الشفاف ونقصو على قد الجزء الكبير من الصندوق ( ممكن تاخدو المقاس وتعملوه في محل نيون ازا ما في امكانيات عندكم عشان تقصوه )
في المرحله دي ممكن تختار اي عباره أو اي رسم يكون على ورق أبيض زي اللي نستخدمو في الطباعه ونثبتو من الخلف على النيون الشفاف زي ماهو واضح في الشكل رقم 3



4- بعد ما نكون ثبتنا النيون الشفاف وثبتنا عليه العباره من الخلف نجيب التظليل ونحطو على النيون في فوق زي ما هو واضح في الشكل رقم 4


5- أزا سويتو كل حاجه صح ممكن دحين تشغلو المصباح وراح يطلع معاكم الشكل زي اللي في الصوره رقم 5


وهنا ممكن اقلكم سويتو علبه للهدايا ممكن تحطو في الجزء الصغير من الصندوق عطر او ساعه أو اي حاجه حابين تهدوها لشخص عزيز عليكم بعد كدا ممكن يحتفظ بيها على التسريحه أو على طاولة المكتب ويفتح الجزء اللي في العباره في غرفه مضلمه ويتزكر الشخص اللي اعطاه الهديه

انشالله تكون عجبتكم الفكره وواضحه أنا سبق وعملت الفكره لعدة اشخاص حطو فيها هدايا وكل واحد منهم قدمها لشخص عزيز عليه


وانتظرونا بأفكار جديده تانيه و لاتبخلوا علينا بأفكاركم وانا بحاول انفذها

تسلم والله يعطيك العافيه اخوي واد مكّاوي
على مجهودك وشرحك للموضوع

يسلموووووووووووووو اخي واد مكاوي على هذه المشاركه الرائعه

بصراحه الفكره عجبتني وبحاول اسويها

سلمت يداك وسلم قلبك

انتظر منك المزيد

والله يعطيك العافيه خيو

كلاسيك

روز

يسلمو على المرور وانشالله في افكار تانيه عن قريب بس يبغالها شرح بالصور فأجهزها وان شاء الله انزلها

ونحنا جاهزين للاستفسارات

تحياتي

يسلموووووووووووووووو على المروووووووووووووووور والرد

والله يعطيك العافيه خيتوو

اهلين اختي العزيزه

وجدان الشوق

يسلمو على المرور والرد الجميل يعطيكي العافية

يعطيك العافيه أخوي واد مكاوي

علىهذه الافكار الجميله

وننتظرك وننتظر جديدك

مع خالص شكري وتقديري

واااااااااااااو
فكرة جديدة حقا
استفدت منها جداااااااااا
يسلموووووووووووو أخي


محبتي
Love-princess

يسلمو اخوي المستشار على المرور

كويس اختي اميرة الحب الحمد لله انك استفدتي