كيفية رفع ضغط بعض الناس الي ما تبونهم.........؟؟؟ 
اقدم لكم بعض الدروس في كيفيه رفع الضغط من خلال بعض الامور الي تواجهكم في الحياه اليوميه....
اذا تبي تطفش واحد وترفع ضغطه:
خليه الين ينام وبعز الظهر (القايله) قم وطف المكيف عليه وراقبه بعد خمس دقايق... ...وراقب الموقف عن بعد عشان ما يجيك شي.....
شوف الثانية
اذا كان هناك مناسبه (مفاطيح).....بعد ماتغسل افتح المويه الحارة الين
تشوفها تولع وسكر المغسلة وشوف اللي بعدك وش يصير له.....
اذا جاك واحد ماتبيه وسويت له شاي.....لا تجيب كاسة ام عروه عليك بكاسات الجبن وصب له بها....واملها حيل للأخر على شان مايقدر يمسك الكاسه واذا كانت الخدامه ما تعرف تسوي شاي خلها هي اللي تسويه
واذا كان عندك ضيف دمه ثقيل وتبغاه يمشي خل واحد من الشباب يدق عليك جوال كل شوي وكل مره كلمه على انه واحد ثاني وقول " لالا والله مقدر الحين عندي ضيف يمكن بعد عشر دقايق "........ولا تنسى شي مهم لاتلبس ساعة عشان كل شوي تسأله كم الساعة ...ولما يكلمك لاترد عليه على طول من أول مره سو نفسك ما سمعته واذا اتصل بك واحد دمه ثقيل وثرثار رد باختصارات الحمدلله ايه لا مادري يمكن الظاهر احاول واذا طوّل اوهمه انك تكلم واحد بجنبك اذا شفته بعده يثرثر ومش ناوي يخلص استخدم حيلة الخط المقطوع وقول " ألو ألووووووووو وينك .....ألوووووووووووو يابو الشباب........ الظاهر ان الخط انقطع " بعد كذا سكر السماعة ... بس وتفتك منه ...الا اذا اتصل ثانيه ساعتها عاد الباقي عليك
واذا بغيت تجنن الخدامه ادخل المطبخ واشرب نص كاس عصير وكأنك مش متعمد كب الباقي ع البلاط واذا كان المطبخ مفروش يكون احسن ........... وافتح الثلاجه وطلع سلة فاكهه وخذ منها شي بسيط واتركها ع النمليه وخذ السكرية وانت طالع من المطبخ ارميها ع لباب .......... واذا نامت وهي بعز النوم صحيها وقولها تسويلك عشا ........ساعتها بيكون الضغط عند ألف الا شرطه .......بس
الخوف انها تحط لك سم فيران ...!!!!!!!
واذا حبيت ترفع ضغط اهلك (زوجتك) لما يطلبوا منك توديهم السوق بعد ما
يجهزوا ويطلعوا اركب السيارة وخليك طبيعي وفجأه قلهم أففففففف السيارة موراضيه تشتغل طبعاً انت ماخذ احتياطك وفاصل اصبع البطاريه و شوف وش بيسوون فيك ساعتها الله يعينك ....
والطريقه الثانيه عشان يحرمون يطلبوا منك توديهم السوق ....لاتشغل مكيف السياره بس التهويه ( المراوح ) وقلهم التكييف خربان خلهم ينطبخون واذا قالوا نبغى نفتح النوافذ قلهم خربانات واذا فتحتوهم ما راح يتسكروا بعدين .....(ملاحظة : جربها أكثر من مره على التوالي واضمن لك نجاحها بعد كذا راح يحرموا...صدقني...)....
واذا كلمك صاحبك ع الجوال وحسيت انه مستعجل بس يبغى منك شي مهم أرفع صوتك وقله ترى ماسمعك الصوت مشوش ويقطع ألو ايه ايه معاك الو وووو وينك " ورد على كلمه وحده وطنش بالباقي .....
اذا بغيت ترفع ضغط واحد معاك بالسياره لما تطلب أكل من السيارة صر على العامل على إن طلبيتك "سفري
واذا واحد يبيك توصله مشوار مهم اذا ركب كل شوي وقف وعذرك ان تسمع صوت في الكبوت وتشيك...ووقف عب بانزين.....ولاتسرع لان السرعه خطر .
رد على أي شيء ينقال لك بـ" صحيح...سبحان الله ...كيف كذا ؟؟؟
وانت عند اخوياك تدرب على اصدار صوت الفا** والا المودم
فك قلم السائل وبالصدفة كب الحبر حقه على الفرشة
عد اعداد عشوائية اذا شفت واحد قاعد يعد علشان تلخبطه
خذ جوال واحد منهم وهو مايدري وقفله وخبه ( ملاحظة لازم تطفيه لان بيظن انه ذكي ويتصل على جواله عشان يعرف مكانه من الصوت .....
إذا كانو من عشاق مباريات كرة القدم اختار فلم اسود وابيض بايخ ... وتظاهر
انك مندمج معاه مر ....
غير ألوان التلفزيون علشان تصير كل الصورة خضراء , وأصر على انك
تحبها كذا !!"
واذا الشباب راح يشوفون المباراه عندك بالبيت وانت ما تبيهم.....افصل سلك الدش من فوق وقلهم يا شباب مافيه الا السعوديه الاخبار الله يعينكم.......وخل الباب مفتوح عشان ما تتعب نفسك وتفتحه مره ثانيه للطلعه
دبس الأوراق في نص الصفحة
اضرب البوري وسلم على الناس اللي ما تعرفهم
كرر هذي الحركات اكثر من مره وشوف وش راح يصير معك :
انت تسمع هالصوت ؟"
وشو ؟"
لالا .. ما عليك .. لا تشغل نفسك"
اسأل اخوياك أسئلة غريبة مرة وبعدين سو نفسك تكتب الجواب في ورقة وإن سألوك .. قل "ولا شي"
اذا أرسل لك أحد نكتة.. ارسل النكته للي ارسلها لك على طول لا تتاخر اهو بيقول ارسلي نكته جديده توقع وش بيكون رده
وتحياااااااااااااااتي لكم
.:: إعلانات الموقع ::. 
إذا تبي ترفع ضغط أحد.... إليك الطرق !!
العرض العادي
