قصيدة مؤثرة

*يـا ليتنـي خدامـة بيـن اياديـك .. من شان اشوفك كل يوم برضايـا*

هذي قصيده مؤثرة . . . لأم تشكي . . . حالها بعد ان أودعها ابنها (الله يهديه) للمصحة(دار العجزه) او كما يقااال ( دار النسيان)

والبيت أعلاه يبكي حتى القلب القاسي

تبكيك حتى النخاع

اترككم مع القصيده

وين انـت يا حـمـدان امــك تـناديــك . . وراك مـا تسمـع شكايـا وندايـا

يا مسندي قلبي على الدوم يطريـك . . ما غبت عن عيني وطيفك سمايـا

هذي ثلاث سنين والعيـن تبـكـيـك . . ما شفت زولـك زايـر يـا ضنـايـــا

تذكر حـياتي يـوم اشـيلـك واداريـك . . والاعـبــك دايــم وتمـشـي ورايـا

ترقد عـلى صوتي وحضني يدفيـك . . ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

يامـا عطـيـتــك من حنانـي وبعـطيـك . . تكبــر وتكـبــر بالأمـل يـا منايـا

لكن خساره بعـتـنـي اليـوم وشفيـك .. واخلصت للزوجه وانا لي شقايـا

انا ادري انهـا قـاسـيــه مـا تخليـك . . قالت عجـوزك مـا ابيهـا معايـا

خلـيـتـني وسط المصحه وانا ارجـيك .. هذا جزا المعروف وهـذا جزايـا

يـا ليتنـي خــــدامـة بيـن ايــاديـك . . من شان اشوفك كل يوم برضايـا

مشكور يا ولدي وتــشــكــر مساعيـك . . وادعـي لـك الله دايـم بالهدايـا

حـمـدان يا حـمـدان امـك تـوصيـك . . اخاف ما تلحق تشــوف الوصايـا

اوصـيـت دكـتـور المصحه بيعطيـك . . رسالتـي واحروفهـا مـن بكايـا

وان مـــــت لا تبخل علـي بدعاويـك .. واطلب لي الغفران وهـذا رجايـا

وامـطـر تـراب الـقـبـر بدموع عينيـك . . ما عـاد ينفعـك النـدم والنعايـا

مشكور حبيبتي على مرورك القمه في الروعه