**** نهاية خروع ****
كنت اتمشى أنا ومعاي أبو سعود <<<< خيال المليحة فديت خشته وانا اكتب الموضوع أكيد ابو سعود يترنح على خط الرياض فديت الجي أس 300 اللي تسوقها يابو سعود
ايه وين وصلنا معاي ابو سعود ومعانا فهوددددددي وندلعه فليطح كان مدرس الجغرافيا يحطه فوق الطاولة ويشرح عليه جسمه شكل الكرة الأرضية
وكما هي عادتنا الكريمة في الحارة أنا وأبو سعود وفليطح كل مامرينا على درام نطل فيه
ترانا قسم بالله مو وسخين
بس كنا نفتش الزبايل ندور متفجرات ناخذها ونوديها للحكومة
نتعاون معهم ( إيه هين وبقوة )
ونمر على كامب أمريكان عندنا دايم نسرق منهم كور قولف وكور تنس
ويقوم خيال المليحا ويدخل راسه في الزبالة ويطلع ذيك الغرشة فيها نص قال وش ذي لويس
قلت خلني أشمها قلت خروع اشربها ابو سعود خلها تطلع الغش اللي في بطنك عشان تنفش ديوسك المنطجة
ويدرنح منها أبو سعود شوي ونكمل مشي شوي يوم قام يترنح أبو سعود تخالفت عيونه ورجليه
ويقول لويس قلت وش فيك قال راسي احسه كبير مقدر اشيلة أحسه قطية بين عيال الحارة
لا ياجنط هذي بداية مفعول الخروع بس انتبه لا أحد يهرهر في سرواله
وشوي ألا ابو سعود حاط راسه على الجدار ويبكي افاااااا وش بلاك قال منيرة منيرة من جعل كرعانك تابس
منيرة أخت فليطح أحبها
مسكت على الحب
قلت من منيرة قال أخت فليطح ويقوم فليطح يتعزوى باسم جده ترى
جد فليطح كان كابتن قبيلتهم بس يوم تعب جده فسخ الكبتنية من يده وعطاها ولد عمه عشان لياقته قوية في القبيلة
ويصيح ويقول لأبو سعود هتخسي يابن الذين وافرع بينهم
وشوي ويطيح خيال المليحا تكفون شيلوني
ونشيله ونركض فيه وندخل للمستشفى وحنا نقول اربعة شالوا الجمل والجمل ماشالهم
وندخله ونحطه على السرير وتجي الممرضة حمدية <<< مولدة نص عيال الحارة
ايه يله يالويس واطيح قدامه وشابك يديني مع بعض قلت ارجوك حمدية أنقذي صديقاني خيال المليحا
ماتخفشي يالويس عشان أمك تجيب لنا قهوة وهريس وبتاعات حلوة في رمزان
وانا أصيح لعن الله شكلك بتقولين قصة حياتك مع أمي مانفخ جنوبك ياحمدية ألا أن أمي كريمة معتس
وابوسعود يصيح ويئن <<< يئن ماكنا نعرفها ذيك الأيام ويقول منيرة
وفليطح ماسك زاوية الغرفة ويقول الورع ذا اللي على السرير لو مايطمها لا اجي اتمردغه
واقوله أصبر الصديق وسده واستريح
ويدخل الدكتور ويقول السلام عليكم أزيكم كل سنة وأنتم طيبين لعنبوا ذا المصارية لو يتهاشون وتنتهي الهوشة يسلمون على بعض
ويقولون كل سنة وأنت طيب
ذا المصري الدكتور عنده ولد يالربع كنا نبنشر الكفر حق البيجو ويطلع ولده أحمد ويشوف الكفر مبنشر
ويركض ويصيح ( بابا بابا الكفر بتاع السيارة فــــسّـــا ) فسّا يعني بنشر
زين انطموا كلكم يا أعضاء الزكرتية
**** قمة الذرابة ***
يالربع مرة اتمشى مع أبو سعود الله لا يحرمني من خشتك يابو سعود
ويركب معنا واحد ونتمشى ونفرفر يوم خلصنا وجينا بنزله البيت نزل وقال
( شكراً على التمشية )
تهقون انه مؤدب ماهوب انتم تتمشون وإذا نزل الواحد قال بكرة مرني وسقها لا تدمن ألا في مراحها
ألعن أبو الشباب
*** اللقافة شينة يالويس ***
في أحد الأيام الخوالي والعمامي دخلت بقالة أبو عادل واشتري اغراض واجي احاسب وجنبي رجال يحاسب
قال الرجال ميد ابو عادل شف حسابي وحساب الرجال
وأنقز واقول على الطلاق من رأس اللي في بالي <<< خبل اقول أسم زوجتي
<<<< ماهوب عاقل أبو اربع نسوان
يمين بالله وحرامات كبر الدرامات <<< زعاطة
ماتسوق ريال
وامسك خط عرعر الخرخير كنها سالفة سلف خمسة اللي قالها من المنامة وماخلصت ألا في سلوى
وحلفان
والرجال يطالعني قال ماهوب انت الرجال ذاك بحاسب عنه
دورني ماتلقاني من طيحة الوجه ياشين اللي يخشون عرض
احسبه بيحاسب عني زين جاملني ماعند ألا كاش
****
شعورك ****
شعورك وأنت تطاوع سلف خمسة وخيال المليحا وأحمد عباس وتروح معهم البحرين
أنواع الكشخة اللي يشوفوني يقول ماهوب عاقل معن الصانع مالك نص الخبر
وفي الأخير تطفي السيارة عند الجمرك
وتقعد تدف السيارة وأنت كاشخ أمام مايقارب عشرين الف متفرج
قايلكم خلونا نروح على الكاديلاك البيج حق سلف والا على سيارتي الأنفنتي العشبية
أنا لو اني رايح مع أبو هلال اللي تشوفونه تقولون من أهل مدينة جد حفص
<<<< ايه هين
المهم يالربع يالوجيه الطيبة الفقوها وكل واحد يشوف رزقه وعياله
وجعل العنقز مايجيكم وعيدكم مبارك
ونعزمكم على عرس صديقي ويقولكم دقوا عليه ذا الأيام لأنه أحتمال مايحضر العرس
هو يقول اللي علي تملكت والباقي على أهلي
واحب أهدي شئ لحبيتي اللي في بالي واقولها
ضفي وجهتس
لأني بعد فيديو كليب هيفاء وهبي لو دقيتي **رت رقبتك
والله لا يهيني على كل حال ويخليني ذخر للأمة العربية والأسلامية
والله لا يحرمني منكم
واكرر أعتذاري عن الأنقطاع
وبيت الزكرتية بيتكم وانتم معازيبه
افرررررررري بدي <<<< مع لسلامة للي مايعرف انجليزي |
.:: إعلانات الموقع ::. 
العرض العادي
