فاضت ابْحور الشعر يا خوف تغرقْك المشاعر
إعذريني لا غدى قلبي بحر وانتي سفينه
إعذريني لا غدالك موج وجداني يكابر
إعذريني لا غدى سر البحر دمعه حزينه
آه انا بحرك وهمك واحسب ان الهم عابر
اثري انك بي غرقتي يوم بحري تغرقينه
صرت انا بك تايه ٍ من يوم اسافر لك واهاجر
آه يا حلم ٍ فقدته آه يا حلم المدينه
في شراييني احسّك مثل طعنات الخناجر
كني الطفل الصغيّر والخناجر والدينه
كنّي اللي مات قبلك كنّك الا هالمقابر
كنت ابدفنك بخفوقي بس اشوفك تدفنينه
ما تخيّرتي دروبك لا ولا للدرب آخر
ما يلام اللي لعينك يقطع الدرب بيدينه
إعذريني لا جرحتك إعذري إحساس شاعر
كلها نزوات قلب ٍ يطلب انك تعذرينه
وسلامتكم
.:: إعلانات الموقع ::. 
