الســـلام عليكـــم
كيف تقدر تحدد كون اللي قدامك شنب عزوبي ولا متزوج ؟؟؟؟
وهذي بعض العلامات لكن باذن الله راح تكون دليل يساعدكم في حياتكم اليوميه
1- قدامك ثلاث شباب في جلسه كلهم مترززين لو ثنيت الواحد فيهم ان**ر من زود الترزز
اللي انت تعرفه ان بينهم عزوبي كيف تعرفه؟
وهم في الجلسه قدامك طالع في لون السروال الطويل ..اللي تلقاه لابس سروال لونه من نفس لون الثوب هذا سبعين في الميه متزوج ....اللي تلقى لون سرواله اصفر او اصفر مائل للبني اضمنها في جيبك عزووووووووبي
2- دايم في العزوبي ريحه عطر غريبه .....طبعا بتقولون هذا عطر شانيل ولا كوكو رابانا !!
لا هذي ريحه معطر الجو اللي بالسياره وغالبا معطر الجو ابو زورق هذاك الازرق ...من كثر ما يفتر بسيارته ريحه معطر السياره طبعت فيه واللي متفشخر منهم تشم فيه ريحه معطر الفراوله ولا الاناناس.
3- ياقه الثوب يمكن انت ما تقدر تشوفها من تحت الشماغ فاجدع شماغك عشان يجدعون شمغهم
طالع بالياقه اذا لقيتها مسوده على الاطراف من جوا هذي علامه مهمه على العزوبي.
4-حاجه مشتركه بكل العزوبيه تحس ان وجهه مصفوق الاذن مسمره والخد ابيض والخشم اسود
ما تدرون ليه ..... انا اقولكم ليه هذا من كثر الدوران بالسياره نص وجهه جهه الشمس والنص الثاني جهه التغييمه فاشعه الشمس يصير لها تاثير على وجهه
5- خامس شي جرب تساله عن مكان معين بالمدينه اللي انت فيها اذا جاب لك طريق واحد فهذا فيه شك اما اذا جاب لك سبعين طريق للمحل اللي انت تبيه واعطاك اوقات الزحمه فهذا ميتين في الميه عزوبي.
6- الاكل.... العزوبي عنده طريقه غريبه في تحمل الجوع تقعد عشر ساعات ما يسال عن الاكل ولا يجيب طاريه ولا حتى فكر لاكن اذا جاء الاكل تحس انه طالع من مجاعه ولا بطنه مخرومه ياكل كل اللي قدامه واذا خلص يدور الحلا.
7- شي تلاحظه في كل العزوبيه انهم يتهيضون بسرعه من الفضاوه تقوله رحنا للدمام يقولك قدام
تقوله ندور واحد نجلده يقولك قدام تقوله نروح نستهبل على دوريه يقولك قدام.... كل العزوبيه الريوس عندهم مفصول اي شي تقوله يقولك قدام.
8- المتزوجين حدهم في الجلسه ولا الطلعه الساعه 9 او عشره اذا زادت 11 بعدين يمشي لكن العزوبي مستعد يواصل ثلاث ايام عشان الفله والوناسه الشغله معاه فري .
9-اذا عجزت فيهم ودهم اقرب مقهى وحط على قناه الخليجيه اللي تشوفه منهم يفغر قدام الشاشه تسولف هو في وادي وانت في وادي اعرف انه عزوبي .....
10-اذا خلاااااص مررره ما قدرت تحدد اسهل اختبااار دور محل شاورما اللي يشتغلون فيه هنود ولابنغاليه والذبان فيه معشش والصيخ حق الشاورما مسود من كثر مهو قاعد ولا احد يطلب منه خذلهم صواريخ شاورما وقول للهندي يكثر سلطه ومايونيز اللي يجيك خبره اليوم الثاني هذا متزوج اللي يدق عليك ويقولك ........هاااااااااااااااااااااه ناوي تطلع اليوم هذا العزوبي وسطهم،،،
بدون زعل
وياليت تقولوا من اي نوع
.:: إعلانات الموقع ::. 
كيف تعرف إلي قدامك عزوبي ولا متزوج؟؟؟
العرض العادي
