السلام عليكم و رحمة الله و بركاته
كيف حلكم شباب و صبيا أن شاء الله تكون بألف خير و ما اطول عليكم راح اقول لكم القصة الي راح تموتون من الضحك
طبعا الكل يعرف ان الى بيموت يحس انة بيموت قبل 40 يوم من وفاته او ياتية احساس غريب ما يعرف يفسره
و انا جاني احساس غريب في شهر ذو الحجة بس عرفت افسره و بسرعة بان موتي قريب (( و الله مو من حاله نفسية بس كنت في ثالث ثانوي و كان وقتها قبل غزو العراق يعني الأوضاع مو مريحة ههههههه )) :d
و قمت احسب 40يوم حتي كان اليوم الي باموت فية يوم الاحد 7\1\1424هـ وكل ما قرب هذا اليوم وانا ما انام الليل من الخوف طبعا قلت في نفسي يوم الاحد راح أغيب عن المدرسة اموت في بيتنا احسن لي من اموت في المدرسة و بعد مراعاة لمشاعر الوالدة الله يطول بعمرها الي راح تحزن على بنتها الي بتخرج من عندها في الصباح سليمة و بترجع لها في الظهر جثة هامدة (( يعني أنام و اذا جئت تصحيني لصلاة الظهر تلاقيني ميتة لاني محددة الوقت الي باموت فية بعد ))
و مرة الايام وجاء يوم السبت الي بعدة يوم الاحد المشهود و من سوء الحظ في ذاك اليوم و انا في المدرسة حسيت بالم في قلبي و كتمة في التنفس وقتها اتاكدة اني خلاص بموت بكرة من جد وبتعب انتها ذاك اليوم
و ألقيت نظرة الوداع على مدرستي و على زميلاتي الي ما راح اشوفهم بعد هذا اليوم رجعت البيت الا امي تحضر الغداء طبعا انا قلت ما ابي وحدة بتموت بكرة لها نفس تاكل دخلت غرفتي الي بعد وقت نمت لان قلبي كل مالة يزداد الالم و احساسي بالموت كل ساعة يزيد عن الي قبلها و بعد ما صحيت من النوم قلت لامي اني تعبانة و في الم في قلبي و كان في اخوي الي يقول لي خلاص بتموتين وتخيلي نفسك و ملك الموت ياخذ روحك و بكرة بتكوني في قبرك لوحدك و من هذا الكلام وانا في عالم وهو في عالم ثاني و حدة بكرة بتموت وهو ولا عندها فقالت لي امي نروح للمستشفى قلت في نفسي انا خلاص باموت ليش اروح لدكتور
انا رحت لدكتور بس عشان امي و لا انا عارفة وش فينيو كان الدكتور مصري وكانو احد عاطية كف و مجلسة في المستشفى الي يتكلم من غير نفس كأننا جايين عشان نشوف وجهه و قال لي انة تشنج في العضلات و من المواقف الي صارت ان في وحدة يوم السبت في المدرسه أعطتني ورقة من وردة حمراء و تقول لي تخيلي هذي الورقة تعني انة اخر يوم في حياتك و هو فعلا كان بالنسبة لي اخر يوم (( يعني حتى المواقف تبين إني بموت ))
و بعد ما رجعت من عند الدكتور نمت و لاول مرة من شهر انام في الليل ولما صحيت الظهر كنت مستغربة اني ما موت لين الحين لاني محددة الوقت مثل ما تعرفون و بعدها اكتشفت انة كان كل شيء احس فية اوهام بس كانت فترة صعبة على نفسي .
طبعا كل من بيقراء القصة بيقول هذي معها حالة نفسية لا والله انا سليمة و ما فيني شيء و هذي القصة ما خبرت بها احد الا بعد سنة من الموقف هذا و الكل كان يضحك على وعلى خيالي الواسع بقوة
و دمتم لي أحبتي
.:: إعلانات الموقع ::. 
قصتي مع الموت ...........
العرض العادي
