هذي قصيدة شفتها وعجبتني وحبيت انقلها لكم
القصيدة بعنوان................. أحلى المشاعر
ليلة البارح لفاني من بعد غيبة طويلة
وبعتب عاشق سألته وين يااغلى الحبايب
وين ها لغيبة حبيبي روحي بأسبابك عليلة
وأسال الأشواق عنك يا ترى وش فيه غايب
كنت بغيابك أحاول بس ما باليد حيله
كنت اتمنى رجوعك والرجا مخطي وصايب
كنت بغيابك اردد وين بس ألقى مثيله
كيف ينساني وقلبي في هواه سنين ذايب
كنت بغيابك يتيم ولالقى منهو يعيله
كنت بغيابك شجاع وخانته دنيا المصايب
كنت بغيابك خليل وفاقد شوفة خليله
كنت بغيابك غريب ويحرقه شوقه لهايب
كنت بغيابك سجين وينتظر منهو يجي له
كنت بغيابك ضحية والزمن لاشك عايب
كنت بغيابك حزين والحزن منهو يشيله
كنت بغيابك حزين وانثر أحزاني عجايب
كنت بغيابك أداري دمعتي في كل ليله
كنت بغيابك نهاية قبر وتراب ونصايب
صاح يكفي وبعيونه دمعة طاحت قتيله
ترجمت أحلى المشاعر وتركتني حيل طايب
دمعة تسوى حياتي دمعة ماهي قليلة
دمعة شالت همومي وانتثر حزني هبايب
وسلامـــــــــــــــــــتكــــــــــــــــــم
واتمنى إنها تكون عجبتكم مثل ماعجبتني
خالص حبي وتقديري:
انـــــــــــــســـــــــــــــــــــانـــــــــــ ــــــة
.:: إعلانات الموقع ::. 
احلى المشاعر
مشاركة: احلى المشاعر