هذا اللي قالته فتاة الله يهدينا وياها تحت توقيع سعودية صابرة في رسالة مسج جوال
انتشرت في الاونه الاخيرة بعد ما شافت سعد بن رفيق الحريري ووسامته.
تفداك يا سعد عتيبـه وقحطـان
وتفداء عيال الحريـري قبايـل
يا ليتني معك في وسـط لبنـان
ولا شفت ضبان في وسط الفنايل
نشــوف رد أحــــــد الشعـــــــراء :
قال التميمي من هوى الراس قيفان
ردٍ على اللـي حوّقـت بالمثايـل
ياللي تقولين (الحريري سعيـدان)
يسوى القبايل مع عيال الحمايـل
اضن فيك العرق ضارب وعطـلان
ويحتاج له وزنه اذا كـان مايـل
ماجيتي عاد الا عتيبـة وقحطـان
يا مقربـه بالنـار يـم الفتايـل
هذول ناس بالجزيرة لهـم شـان
وترعى ابلهم بالحـزم والسهايـل
تلقينهم يا بنـت لا ثـار دخـان
والهرج لا خلص وجـت الفعايـل
من تجربه ما هو على قولة فـلان
حطهم على يمناك وقت الصمايـل
ولا هان من يقرأ بيوتي ولا هـان
كل البدو واللي سكن يـم حايـل
اما انتي يا بنية عشيـرك بلبنـان
ترجين من غيـم ٍ بعيـدٍ مسايـل
اتعوذي يا بنت من كـل شيطـان
يخب على مثلك حمـار القوايـل
القصيده منقوله
.:: إعلانات الموقع ::. 
هذا اللي قالته فتاة الله يهدينا وياها تحت توقيع سعودية صابرة في رسالة مسج
