قريت هالقصه ..وبصراحه ضحكت عليها وعجبتني وحبيت انكم تشاركوني فيها هذي قصة حقيقية عن زواج بنت . وبحكيلكم عن قصة زواجها الغريبة ...هذي البنت سلمكم الله عندها خوات أكبر منها وأصغر منها وهي توها متخرجة من الثانوي بالبيت ما عندهم خدامة كل يوم الدور على وحدة من البنات تطبخ وبعدين ترمي الزبالة عند الباب جا دور هالبنت اللي أتكلم عنها كانت سهرانة مع اخواتها الين الساعة 2 الصبح...وبعدها خواتها طلعوا ينامون فوق... وهي قعدت تنظف المطبخ وتشطب عليه.. وقامت طلعت الزبالة عند الباب ... البنت قالت ليش أحطها عند الباب خليني أتشجع وارميها بالزبالة احسن.. وطلعت بره بالشارع وكان الشارع فاضي.. وكانت الساعة حوالي 3.30 يوم جت تطلع ترمي الزبالة قفل باب بيتهم وقعدت المسكينة بالشارع ... فكرت ترن الجرس خافت أبوها يهاوشها ويسويلها شيء ..( لأن أبوها شديد)... وطلعت بالشارع ما عليها إلا ! دراعة البيت .. حست أن صوت يقرب.. صوت سيارة!! قامت مسكت الزبالة وقلبتها ودخلتداخلها كان اللي جاي ولد الجيران.. جا ولد الجيران ووقف السيارة وطلع المفتاح عشان بيدخل للبيت إلا يسمع صوت يتحرك بالزبالة؟؟!!
واستغرب إن الزبالة مقلوبة قام قرب من عندها ...و جا بيرفع الزبالة ويعدلها ...إلا صرخت البنت وقالت: لالالالا... قال: بسم الله الرحمن الرحيم.. إنتي إنس ولا جن؟! قالت: والله إنس قال إنتي وش جابك هنا؟؟!!... وقالت له: القصة وهي متغطية بالزبالة وترجت ولد الجيران يساعدها... قال: خلاص لا تخافين... قام قرب سيارته من باب البيت و ركب فوق السيارة ونقز وفتح للبنت الباب.. وقالها: ادخلي بسرعة لا احد يشوفك... قامت مسكينة ما
صدقت رمت الزبالة ..وطلعت جذي جدام ولد جيرانهم المهم دخلت وقفلت الباب على طوول.... وولد الجيران واقف ما تحركيطلع فيها المهم.. ما مر على هالسالفة يومين إلا جا وخطبها من أبوها وتزوجها... والله قصة زواج غريبة وعلى فكرة ترى هذي سالفة حقيقية وحصلت بالفعل... واللي يعيش ياما يشوف ويسمع.

على العموم الله يسعدهم ويوفقهم ونتمنالهم زواج موفق وحياة حلوه...



منقووووول

يسلمووووووووووووووووووووووووووووو

بعد عمري شمووووووووووووووع

على هذا المرور الكريم

يسلمووووو دمعه
على القصه الظريفه

ويعطيك العافيه على النقل
في انتظار المزيد منك
تحيتي لك