اسمعوا شباب وصبايا
راح اكتبلكم كل يوم كلام (( مكاوي )) على كيف كيفكم
طبعا اكيد المكاويه راح يفهموه والي ما يفهمه الله يعينه بس
وممكن الي مافهم اي كلمه يقولي عليها واشرحله معناها
لاني احب اعرفكم على اهل مكه وكلام اهل مكه
<<<<<<<<<<<<<<<<< مكاويه الاخت
خخخخخخخخخخخخخخخخخخ
يالله نبدأ اليوووووووووووووم باول موضوع
واتمنى ان الفكره تعجبكم ولاتحرموني من ردودكم الحلوه (( حتى لو مافهمتوووا )) ههههههه
دوبي جيت من عند ستي ،وصلنا أول لين عند دكان العطارة حق سيدي :
تقول ستي : كان يا بنتي يصلي الصبح حاضر في الحرم ، وبعدين يقعد الين ما تطلع الشمس ، ياخد زنبيله والصبي وعلى المنشية وكم اوقة لحمة يحبها قلبك ، على كم حزمة ملوخية ، وكزبرة ، وبصل اخضر مزهزه... وغيره ، ويرسلها مع الولد ، اكون دوبي مغلقة صلاة الضحى ، وهاتك ، واولع على الكانون وانفخ من فوقه الرماد ، واحط اللحمة ، وعبال ما تفور ، اكون قطفت الملوخية ، وخرطتها بالمخرطة ، مو زي دحين يخروطها بالكو** - تقصد المولين** - وارمي على موية اللحمة ووصلة من اللية ، اصل الملوخية تحب الدهن ، المهم علبال ما تطبخ اقوم اخمش الغسيل اذا كان عندي غسيل ، واكنس الدرجان ، واكل الكم دجاجة الا في الحوش ، واقعد كمان اصليلي ركعتين ، وبعدين اقوم انفض البيت اذا كان الجو مغبر ، وافحس الكم شربة ، وابخرها ، واجلي الغطيان ، الين ما يادن الضهر ، يكون سيدك صلى في الحرم ، وجا ، ما يدخل البيت الا وقيد المفتة في الارض وفوقها كل شئ من يوم ما يدخل على الغدا ، واخد الشطافة حقته ، واحطها على طرف الكرويتة ، يتغدى ، ويتمدد شوية ، يقوم قبل صلاة العصر ، يكون الشاهي جنبه ، يسبح ويستغفر شوية واصب الشاهي ، ويلا يقوم على الحرم يصلي العصر جماعة وعلى الدكان مرة تانية ( بكرة انشاء الله نكمل الحكايه )
.:: إعلانات الموقع ::. 
تقوووووووووووووول ستي؟؟؟
العرض العادي
