هناك عدت فروق مابين سواقت البنات والشباب في سواقة السيارة
وقلت خلني اسوي مقارنه مابينهم وصراحه طلعت بنتايج حلوه :
- مشاوير
الشباب الى: الدوام + البيت + البقاله + استراحة الشباب .
مشاوير البنوتات : الكوفيره + الشغل + السوق + الملاهي + زواجات + صديقات + نادي << هاذي من عندي انا ههههه
- الاغراض المتواجده دائما في السياره :
في سيارة الشباب : شماغ على كرسي + عقال + مناديل معفنه+ قطف دخان ..
سياره البنوتات :نقاب + مناديل كلها روج + عطر + علكه +كعب مكــسور+ مجلة سيدتي .
- في جيب الكرسي :
سيارة الشباب: اشرطة + بكت دخان + ولاعه + نشره+ مسواك + ورقة بلوت .
سيارة البنوتات : روج+ كحل + حلاوه نعناع + مثبت شعر+ + فلاشات + شباصات.
شنطة السياره :
سيارة الشباب: اوراق وكتب الجامعه + علبة فيري منكبه + معسله + ثياب من اخر طلعت بر .
سيارة البنوتات : مزيل رائحه + فازلين + مرطب+ شنطه + مجلات واشرطه
السوالف في السياره:
الشباب : كيف الاسهم اليوم ؟ شفتوا مباراة ريال مدريد ؟ الدكتور اليوم ماحضر؟
البنوتات : يووو ماشفتي فلااانه ترى سقطت ياحسسسسسره ؟ شفتي مقااابلة مهند امس ؟؟؟ أأأأه ياقلبي بس !!
- اذا بيعبي بنزين:
الرجال : عب فل ياصديق!!
الحرمه : عب ب40 بنزين وبخمسه موية لقاح!!
- عند التقاطع :
الشباب :ما يطالع يمين ويسار الا نادرا .
البنوتات :تطالع يمين ويسار 20 مره .
- اثناء السياقه :
الشباب : مّبعد الكرسي لين اخره كانه منسدح وهو يسوق .
البنوتات : ملزقة مقربة الكرسي لين اخره كانها سواق لموزين.
اثناء الانتظار عند اشارة المرور:
الشباب : يلعب بخشمه ويحك حالة حال اول مايقوم من النوم.
البنوتات : تصلح شعرها.
- وضع الجسم اثناء السياقة:
الشباب : متكي يد ويسوق بيد ويدعس برجل والثانيه رافعها الى مستوى المكيف او شوي ويطلعها من الدريشه.
البنوتات : متشعبطه في الدركــسون بشكل كانه طوق نجات.
- اثناء السياقه وجا بيسلم على صديق:
الشباب : يضرب بوري خفيف او كبسه او غمزه.
البنوتات : تعلق عالبوري , وتقول: منال حبيبتي وش اخبارك
- اثناء كتابه المخالفه :
الشباب : اقسم بالله ماقطع الاشاره والله ورب الكعبه وربي , على الحرام اني ماقطعتها ياجعلي اموت الحين كاني قطعتها .
البنوتات : بلييز الله يخليك لأهلك لا تعطيني مخالفه بليز بليز,, وهي تـنــاقــــز >>> هههههه تخيلوو
- اثناء الحادث :
الشباب : وش في امك انت ماتشوف زين ؟
البنوتات : سوري بس شكلك ياحرام ماشفتني وانا معطيتك اشاره
- اثناء السواقه و أحد السيارات حدك :
الشباب : اسفط على جنب يابن ال؟؟؟ انا اعلمك وش لون تسوق يا ولد ال ؟؟؟؟, وين العجره بس؟
البنوتات : ياحكييييييييييير يا حكييييير ماتشوف زين , رح ياجعل ريح تنشبك في لمبه انشالله.
- اثناء التفتيش:
العسكري لشباب : الرخصه والاستماره ووقف على جنب وفك التظليله؟
العسكري للبنات : يــــااا حياة الشقا ويــــن اروح انا الحيـــن ,,, روحي دربك خضــر !! >> حلـــوه
,,,,,,,,,,,,,,,,,,,,,,,,,,,,,,,,,,,,,,,,,,,
هذا كله واحنا مابعد ســقـنـا للحين !!
الله يستر السنه الجايه >>> ههههههه واااثقه
ههههههههههههه
متى نسوووووق احنا البنووتااااات بس !!!
ياااارب تعجــــل علينا ,,,,
مسروق ملطوش منقول لعيوووووونكمـ
.:: إعلانات الموقع ::. 
العرض العادي
