قصيدة كتبها شاب حصل له حادث سيارة و كانت معه والدته

نتيجة هذا الحادث توفيت والدته رحمها الله و كانت إصاباته خفيفة فقال هذه الأبيات للذين يواسونه






يواسيني وانا الميت وحالي يجبرالدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني





قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى الي يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني





تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني





نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني





يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني






واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني






وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني









اللهم أغفر لآبائنا وأمهاتنا

اللهم اجعلهم في بطون الألحاد

من المطمئنين ونور لهم في قبورهم

وأفسح لهم مد البصر يا رحمن يا رحيم

يعطيجـ العافيهـ أختيـ روحـ الجنوبـ على هالكلماتـ الرائعهـ

ويسلموو ايدجـ



تقبليـ مروريـ

اخوجـ جراحووو...

سوري قلبووو ماكملتها قطعت قلبي

تسلم اناملك ياعسل

اللهم اغفر لها ولاتحرمنا أجرها ولا تفتنا بعدها .
رحمها الله وأسكنها فسييييييييييييييييح جناته .
اسمحي لي أن أسرد قصّة جميلة جدّاً للعبرة .
" مرّ أحد الصالحين على قبر فوجد شابّاً أمامه يبكي بكاءً مرّاً فسأله لم تبكي فقال الشاب أبكي على من أحببتُ ففارقني فقال له الرجل الصالح ذنبك أنّك احببتَ الذي يموت ففارقك ولو أنّك أحببتَ الذي لا يموت لما فارقكْ "
شكراً جزيلاً .

قصيدة مؤلمه ...

اختيار رائع تقبلي طلتي ...

رووح هاذا يدل على أنــك انساانه حساااسه وبعد ذووق وربي ذووووق

أقبلي مرووري ياذووووق ويسلمممو على القصيده من جد شي ي**ر الخااطر .

الله يحفظ لنا أمهتنا وأبأنا والي مات منهم الله يرحمه ويسكنه فسيح جناته ويغفر لــه ..

هذي الديناا ..

أختي روح الجنوووب..قصيدة مؤلمة جدا والحزن في كل بيت من ابياتها..
تسلم اناملك على ما نقلتيه لنا..والله يحفظ لنا امهاتنا يارب وابائنا والله فقدهم صعب جدا..
تقبلي مروري..وننتظر ابداعاتك الرائعه..
تحياتي لكــ
رووووحي تحبكــ