من اجمل ماكتب حامد زيد....<<
إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره
مايملي عيون الحسود بهالزمن غير التراب
ومن لايتوب من الخطا تحرم عليه المعذره
اللي من أولها خراب أكيد تاليها خراب
والبندق اللــــي ماتثـــور في هدفها تذعــره
ودك اليامن جاتك الغلطه من الناس القراب
الصاحب اللي ما**بــت محبتـــه ماتخســـره
مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنـــــجره
صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره
مافيه دمع ٍ صوبوه أحبابي بوجهي وخاب
ولازرق حزنـــي على غالــــي ولافج انحــــره
كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره
والله ماحطيت بين الحقدوالخوه حجاب
حتى غدوا ربعي يحدوني على الضيق أشكره
البارحه ثارت علي رقاب واوتني رقاب
البارحه ياثقـــل دم الــــبارحه ويامحـــقره
أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره
أهب ياوجه الحسد وشلون جمعهم وغاب
كيف السنين اللي عطتنــي بعثرتهم بعثــــره
لابارك الله في رفيق ٍ تزعله كلمة عتاب
ولاجمــع الله الرجـــال الـــي تفرقـــهم مـــره
الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي بـ أهجره
من يفتح لفرقاي باب أفك له عشرين باب
وأذا خويــي مـــايقـــدر خوتـــي مــا أقـــدره
عو ّدت نفسي كل ماشددت لليمّه ركاب
مأصد وجهي عن طموح إلا ليــاجبــت خبـره
أن روّحوا فأنا بري منهم ليوم الحساب
وإن جرحوا قولوا لهم ماحــركوا فيّ إشــعره
شفهم لهم حول السنه ولا خذوا مني جواب
أحسن دوا للــي يحــــاول يستفــــزك تحقــــــره
ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره
شفني جمعت أوراقهم بكتاب وأغلقت الكتاب
ياوقت لم اللي تلمــــه وأنـــــثر اللي تنثــــــره
اللي يخاف من الظما يترك لنا طرد السراب
واللي ماهو بقد الظـــلام ووحشتـــه لايسهــره
عقب أكتئاب البارحه ماعاد انا حمل إكتئاب
الطيب جــرجــرني وانا ماني بناقص جــرجــره
انا تجرعت الظما لين أحترق وجهي وذاب
انا **رت بخـــاطـــري قبل الصـــداقه تــــ**ره
انا خسرت اللي غيابه غير عن كل الغياب
انـا غفــرت لعـــــالمٍ ماتستــحق المغفــــــره
انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمــان الثـــرثــــره
انا القصيد اللي فزع من دفتره مليون ناب
وانا الوحيد اللي جمع مليون نــاب بدفــتـــره
جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره
شيبت بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهــــره
ماصرت ذيب إلا لأن اللي تحدوني ذياب
ما كنت أغيب إلا لأن العفـــو عند المـــقــــدره
ترى حلاتك لاحملت لصاحبك كلمة عتاب
أن مانطقت بهـــــا بوجهـــه ماتذمـــه بظــــهره
في هالزمن مايملي عيون الحسود إلا التراب
والا الحظيظ.. الطلقه اللي مــاتصيبه تذعـــــره
ودك اليامن جاتك الغلطه من الناس القراب
الصاحب اللي ما**بت محبتــــه مــــاتخســــره
مع حامد زيد دموعي تنهمل واحس اني اكبر مليون سنه لاكن هالقصيده اهديتها
لاكبر جرح ودمعه فحياتي ....... واتمنى كل من قرئها يتمعن فكلماتها |
لكم ودي
.:: إعلانات الموقع ::. 
إليكم اجمل ماكتب قلمه....
العرض العادي
