آخـــر مـــرهـ غـــازلت بنــت ..
غزل الأولين
هلا ومرحبا ، حياكم الله كللن باسمه من غير عدد
تخبرون يالربع طرق الغزل تتغير من زمن الى زمن ، وتعددت الاسباب والغزل واحد
والغزل الله يكفينا شره ، معروف منذو مبطي
وسالفتي اليوم صارت لي انا قبل سبعين سنه ، او ثلاثه واربعين يعني حولها
المهم ماطول عليكم : من اول تخبرون الناس دابين في دنياهم ، الرجال يطلع من البيت يدور العيشه .،والحرمه
ماتطلع للضروره القويه ، يعني الواحد منا ما يشوف له حرمه في الشارع الا كل ثلاث سنين تقريباً
وانا فيذاك الحين كنت توني جذع (او غصن مدري) المهم توني في بداية شبابي ، واقضي وقت الفراغ ارتكز في السويقات، قمة السعاده والانتعاش (انواع القزقزه)
ويومن من الايام وانا واقف في احدى السويقات ، لفت نظري جدار البيت اللي قدامي متشللخ ، ومن كثر الشلوخ اللي فيه يمكن الواحد يشوف وش اللي داخل البيت ، وانا اللي المح زول بنت (ياويل تسبدي) لابسه عباتها طبعا جاني عمى صرت ما اشوووووووف
طبعاً ما بان منها الا السواد ، وماغير تروح وتجي يمين ويسار ، وقلبي انغرف معها ، وصار يرررررقع من اول نظره ، وهي (اظنها انتبهت لي وتبي تهبل بي)
ياوالله الفلله
ومن يومها وانا كل يوم اتكشخ واتطيب وارتز في هالعايره على موعدنا عقب العصر ، وعلى هالحال ، الين جيت شفت هالزول اللي هبل بي رايحه جايه ، قمة الإغراء (يابعد حيي هي بس )
حبيتها ، وهي حبتني ، واضح ما يبي لها تفسير
ماعرف اسمها واخترت لها اسم من عندي : العنود (ياحياة الشقا يالعنود)
ومر شهر وانا والعنود على هالحال ، ماغير اشوف هالسواد رايح جاي ، هبلت بي ، ماعاد اقدر اصبر اكثر من كذا ، وش اسوي ؟
ما باليد حيله، مبطي مابوه لا تلفوناااات ولا رسايل حتى ال كتابه ما اعرفه اكتبه
قررت اني لازم اشوف العنود بأي طريقه
انا حبيتها ، بس ودي اتأكد هي زينه والا شينه ، هي دبه والا رشيقه مثلي
احساسي يقول انها موتن حمر ، وشكل جسمها مهوب صاحي
قلت يا ولد مالك الا تطمر فوق الجدار وتطب عليها وتشوفها
الحب يالربع يسوي اكثر : المهم طبيت فوق الجدار ، ومن يوم ضربت رجليني على الارض وشافتني ، وهي تصرخ بذاك الصووووووووووووت
صوته خلى شعري ياقف
امـمـمـمـمـــــــــبــبــبــــ ـــــبــــــــبـــــ
ــــــــــاااااااااااااااااااا اااااااااااااااااااا
ااااااااااااااااااع ع ع ع ع ع
اثـــــــــريها ((عنــــــــــز)) وانـــــــــــا متبلوووووووووور بحبه
واعض شليلي واهج وعقبه حرمت الغزل
شليلي = حضنـــي
اتمنى انه تعجبكم القصه
.:: إعلانات الموقع ::. 
العرض العادي
