طبعا الحين تقولون انه تحامل على البنات ولا كره في البنات لا والله (قسم بالله)
انا اقول الحقيقه من منطق بحث وتحري وتجربه ( تحسوني مسوي المحقق كونان ) بس لا شفت هالمسيكين اللي محملينه وزر هالبنيـه ومخلينه إهوا اللعـــاب وإهوا ملعون الخير … خلاني اشوف صج شنو مفهوم الخيانه والغدر اللي يتكلمون عنها وشنو إهوا اللعــاب في نظرهم … واستنتجت (مدري كتبتها صح ولا غلط) .. من الشاتات التالي :-
اولا: ان الولد يدخل الشات علشان يغازل البنات …
(( انزين انتو يالبنات داخلين وش تسون؟! فاتحين بلكونة الشات تشمون هوا )) ؟!؟
وان الولد يعرف خمس بنات في لحظه …
(( ولا البنات ما يعرفون الا واحد؟! ليش كيوتل في تعبئة الطلب عند البنيه تشرط عليها تخزن رقم واحد عقب امها وابوها ؟
3- ان الولد نادر ما يكون وافــي مع اللي يحبها …
((اعرف مسكينه من كثر وفاها حالفه مايدفع فاتورة جوالها غير حبيبها خاصه لا تعدت الفاتوره 4000 ريال )) وان مادفعها تحب رفيجه ….
4- ان الولد سهل يقول كلمة احبــج لعشر بنات في لحظه …
(( اعرف بنيه قصدت قصيده في ست سمتها قصيدة الوفاء كل دلخ فيهم في شطر بيت لين شفت قصيده قوامها 24 بيت ))
5- إن الولد جرئ اجرأ من البنيه في البوح بعواطفه …
(( انا اعرف بنيــه كانت تكتب عنوان المسنجر حقها "محبــــوبه فــلان" وعلشان تصد من احراجها قــالت لي هاي خالي … انزين سلميلي على خالج وقولي له يرفق في قلب بنت إخته))
6- ان الشباب لعااااااب يلعب في البنيــه مثل الكوره …
((جنه البنيــه ما تقدر ولا تعــرف انها تقدر تخل الريال مثل الخاتم بيدها والكــوره تضربه في الطوفه يرجع لها والله ان كان هو لعااااب فالبنات مدربين منتخب بالنهار وفتوه في الليل ))
7- ان الشباب ماله قلب وانه ماعنده رومانسيه وانه دفش …
((لا مركب فلتر زيت والبنيــه ماشاالله عليها كلها رقه وحنان وريم واحلام ورومانسيه .. والله بعض الاحيان تكلم بنيـه تحسبها ريال من دفاشتها))
8- ان الشـــاب كذاااااب ويا كثــر من كذب على البنات …
((اعرف بنيــه تكذب في الدقيقه ست مرات وخمس مجاملات )) حشا ماكينه
يعني باختصاااار ابلعــو العــــافيه ما عطا الريال الا وعطا البنيـه الا ان البنيـه اخبث في تعاملها بحكم ضعفها اللي تدعيه وغير جذي ماله داعي يدعون انه الشباب كله عيوب وانه البنات ذابحهم الكمــال والله عقب اللي شفتـه وخلو اللي سمعتـه انه شاااب راسي لين صرت اتخيل كل حرب صايره في هالعالم وراها كونداليزا رايس ( مادري كتبتها صح ولا غلط .. سارقها الكلمه من كتاب لوووول ) …. من تبي السلامه تفك راسها من انياب الذيب ومن تبي اللعب لا تشتكي من **ر ركبها ولا اعمم او اقصد البنات كـــلهم او الشبــاب كلهم لكن اخص البنات اللي يطالعون عيوب الشباب وناسين عيوبهم يا كم بنت في بيتها ماطلعت منها العيبه وياكم ريال في بيته ماطلعت منه العيبه كلن حافظن نفسه وصاكن حلجه وعلى فكره انا اخص فقط اللي حاط خشش الشباب على ازفت انترنت النصر والجيده ...
((الله يرفع عنهم ولا يبلانا لوول ))
اقول اهاااااااا بس لو اقدر احط لكم صورة شباب انتهو بالمخدرات والمسكرات انجرفوا ورا لعب بنات باحسيسهم ومشاعرهم .. نعنبو داركم قمتو تربون عضــــل .. لوووووووول
والله يستـــر من اللي بصير من عقب ما اكتب ذا الموضوع
.:: إعلانات الموقع ::. 
العرض العادي
