كيف الحال والاحوال يا احلى بنات
الليله جبت لكم طريقه سهله كثير امي بتسويها في المعمول والكعك بتمر ومش رح ابرم كثير نبدا بالمقادير
المقادير
كيلو سميد
قاليبن زبده 400 غرام -تذوب على نار هادئه جدا
فنجان شاي دقيق -- اذا كنتي بدك تعمليهن زي العجال 5 كعك يعني اما اذا بدك تعمليها بالقالب فلا تضعي دقيق
م ص خميره فوريه
شويه سكر علشان الخميره يعني نص ملعقه صغيره
كوب حليب ومش رح تستخدميه كله حسب العجين ويكون دافئ
بهارات المعمول -- يانسون قزحه قرفه دقه كعك حسب المتوفر عندك
تمر قالب ونص نعجنه مع قرفه وشويه زيت نعمله اصابع او دوائر


نضع السميد والدقيق واليانسون المحمص ونخلطهم مليح ونضيف الزبده الذائبه ونفركها بين راحتين اليد لحد ما
تشوفي انه السميد تشرب الزبده ونغطيها اما نعملها في الليل ونسويها في اليوم الثاني او تسويها الصبح وتعمليها في الليل يعني تتركيها ترتاح 3-5 ساعات وكلما ارتاحت اكثر كلما كانت اطرى والذ -- خالتي بتتركهن يرتاحن ساعه بس امي تتركهن اكثر والاثنين اطيب من بعض
وبعدها نفركهن بين راحتين اليد -- عنا الجو بارد كثير فالزبده بتخلي السميد متماسك كثير فلازم نفركهن حتى يصبح السميد من دون كتل او قطع كبيره
نضع في فنجان صغير السكر الخميره والقليل من الحليب لانه مش رح تستخدمي الحليب كله ولما تنفش الخميره
نضيفها الى السميد ونعجن ونضيف الحليب تدريجيا حتى تصبح العجينه متماسكه بس مش طريه كثير
ونكون مجهزين التمر قرفه مع شويه زيت علشان ما يلزق
ونعمل الكعك اللي زي العجل نفرد قطعه عجين بشكل اسطواني ونرقها شويه ونضع التمر في النص ونلفه ونسويها حتى تصبح زي العجل
اما الكعك اللي في القالب نفس الطريقه بس في العجينه ما تحطي كوب الدقيق بس سميد لحاله
وتعملي دائره وتضعي كره التمر في النص وتضعيها في القالب
بس ما تضغطي كثير وتضعيها بعدها في صينه الخبز
وبعدها نضعها في صينه مدهونه بالزبده في فرن 200 درجه وحتى تتلون من فوق وتحت بس لون خفيف
وبعدها تشيليها شوي شوي وتضعيها على ورق نشاف علشان يمتص الزبده
والمعمول اللي في القوالب ترشي عليه رشه سكر بودره
ولما يضل لليوم الثاني -- هذا اذا ضل اشي -- اطيب بيكون طعمه زاكي كثير
وصحتين وعافيه على قلوب الحبايب

الله يخليها لك يارب

يعطيكي العافيه لاعدمناك